Հիմք ընդունելով Հարություն Հակոբի Ասատրյանի լիազորված անձ Թադևոս Իսկյանդարի Ասատրյանի դիմումը և ղեկավարվելով «Տեղական ինքնակառավարման մասին » ՀՀ օրենքի 35-րդ հոդվածի 1-ին մասի 24-րդ կետի, ՀՀ հողային օրենսգրքի 64-րդ հոդվածի 2-րդ մասի, «Պետական և համայնքային սեփականություն հանդիսացող հողամասերի օտարման, կառուցապատման իրավունքի և օգտագործման տրամադրման կարգը հաստատելու մասին » ՀՀ Կառավարության 12․04․2001թ․ թիվ 286 որոշմամբ հաստատված կարգի 15-րդ կետի ա/ ենթակետի, «Կադաստրային քարտեզագրումն ավարտված տարածքներում անշարժ գույքի նկատմամբ իրավունքների առաջին պետական գրանցման կարգը հաստատելու մասին » ՀՀ Կառավարության 31․12․1998թ․ թիվ 867-Ն որոշմամբ հաստատված կարգի 5-րդ կետի պահանջներով, նկատի ունենալով այն հանգամանքը, որ Հարություն Հակոբի Ասատրյանին սեփականության իրավունքով հատկացված հողամասից ավել օգտագործվող մասը համայնքի հողերի օգտագործման սխեմայով կամ գլխավոր հատակագծով նախատեսված չէ այլ նպատակային կամ գործառնական նշանակությամբ օգտագործելու համար, հողօգտագործումը չի խոչընդոտում այլ հողամասերի նպատակային կամ գործառնական նշանակությամբ օգտագործմանը, հողամասը ընդգրկված չի ինժեներատրանսպորտային օբյեկտների օտարման գոտիներում և սպասարկման համար նախատեսված տարածքներում, հնագիտական, պատմամշակույթային հուշարձանների պահպանության գոտիներում, բնապահպանական արժեք ներկայացնող հողամասերում, ուստի որոշում եմ ՝
1.Ճանաչել Հարություն Հակոբի Ասատրյանի սեփականության իրավունքը ՀՀ Արագածոտնի մարզի Ծաղկահովիտ համայնքի, Գեղադիր բնակավայրի վարչական տարածքում գտնվող, վերջինիս ընդհանուր հատկացված 02-030-0110-0035 կադաստրային ծածկագրով 2,255 հա հողամասից մինչև 20 տոկոս ավել օգտագործվող 0.02312 հա հողամասի նկատմամբ։
2․ Հողամասի սահմանները որոշվում են « ՓՈԹՈ» ՍՊԸ-ի կողմից չափագրված և Ծաղկահովիտ համայնքի ղեկավարի կողմից հաստատված հողամասի հատակագծով։
3․ Սույն որոշումն ուժի մեջ է մտնում պաշտոնական հրապարակմանը հաջորդող օրվանից ։