Ծաղկահովիտ 

Ծաղկահովիտը վաղը՝

·Բազմաճյուղ տնտեսություն ունեցող և աճող բազմաբնակավայր համայնք է, որտեղ բոլոր պայմանները ստեղծված են բնակչի արժանապատիվ կեցության և ստեղծագործ աշխատանքի համար։ Համայնք է, որտեղ մարդիկ երջանիկ են, ապահովված, պաշտպանված։ 

·Տնտեսության առաջատար ճյուղը բարձր եկամտաբերություն ունեցող ինտենսիվ գյուղատնտեսությունն է՝ դաշտավարությունը և անասնապահությունը։ Գյուղատնտեսությանն օժանդակող բոլոր ենթակառուցվածքները արդիականացված են, համայնքն ունի գերժամանակակից մեքենատրակտորային պարկ։

· Համայնքի անխափան ոռոգումը ապահովում է մոտ 15 մլն խորանարդ տարողությամբ ջրամբարը։

 ·  Գյուղատնտեսական արտադրանքը ամբողջությամբ վերամշակվում է համայնքում՝ հացահատիկի, պահածոյացման, կաթի, մսի և բրդի վերամշակման բազմաթիվ փոքր արտադրամասերի կողմից։

· Համայնքում գործում է գարեջրի գործարան, որը աշխատում է բացառապես տեղական հումքով և ադամանդի վերամշակման գործարան։

· Համայնքի տնտեսության հաջորդ ճյուղը զբոսաշրջությունն է, որտեղ ենթակառուցվածքները և սպասարկող ոլորտը ամբողջությամբ զարգացած են և մատուցում են ձմեռային, արկածային և առողջարանային զբոսաշրջության ոլորտում մրցունակ ծառայություններ։

· Համայնքում գործող բազմապրոֆիլ կրթական հաստատությունների հիմքում ժամանակակից կրթական մեթոդներ են ընկած։ Շենքային պայմանները բարելավված են և հագեցած ժամանակակից լաբորատորիաներով։   

· Զարգացած է համայնքի մշակութային կյանքը։ Կազմակերպվում են բազմաթիվ մարզական և մանկապատանեկական միջոցառումներ, ճամբարներ։ Գործում են գերհագեցած ժամանակակից մարզադպրոց և բազմաթիվ մշակութային օջախներ։ 

· Համայնքը ամբողջությամբ բարեկարգ և մաքուր է: Առկա են բարեկարգ զբոսայգիներ, գործում են երեկոյան ժամանցի, արվեստի ու մշակույթի բազմաթիվ կենտրոններ։

 Նպատակներ

 Համայնքի գյուղատնտեսության զարգացում և դրա մրցունակության բարձրացում 

Զբոսաշրջության և հարակից ոլորտների զարգացում 

Համայնքի սոցիալական և մշակութային կյանքի ակտիվացում

Համայնքի կրթական հաստատությունների ուժեղացում