Հիմք ընդունելով Անդրանիկ Սարիբեկի Գևորգյանի դիմումը,ղեկավարվելով «Տեղական ինքնակառավարման մասին » ՀՀ օրենքի 35-րդ հոդվածի 1-ին մասի 24-րդ , ՀՀ կառավարության 18․05․2006թ․ N912-Ն որոշմամբ հաստատված  հավելվածի 8-րդ,11-րդ և 22-րդ կետերի պահանջներով և հաշվի առնելով, որ կառույցները չեն հակասում ՀՀ քաղաքացիական օրենսգրքի 188-րդ հոդվածի 5-րդ կետով սահմանված պայմաններին, կառույցների պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին և առողջությանը, կառուցված չեն ինժեներատրանսպորտային  օբյեկտների օտարման կամ անվտանգության գոտիներում, կառուցված չեն քաղաքաշինական նորմերի և կանոնների խախտումներով և չեն առաջացնում սերվիտուտ որոշում եմ՝ 

1․ Արագածոտնի մարզի Ծաղկահովիտ համայնքի Ծիլքար գյուղի 12-րդ փողոց թիվ 25 հասցեում  (ծածկագիր 02-056-0028-0016) գտնվող Անդրանիկ Սարիբեկի Գևորգյանին, Անժելա Վոլոդիայի Գևորգյանին և Մամիկոն Անդրանիկի Գևորգյանին համատեղ սեփականության իրավունքով պատկանող 0,13696 հա բնակավայրերի բնակելի կառուցապատման հողամասի վրա 2018 թվականին կառուցված և որպես ինքնակամ գրանցված  70,4 քմ արտաքին մակերեսով անասնագոմը և 149,9 քմ արտաքին մակերեսով բնակելի տունը ճանաչել օրինական։
2․ Սահմանել, որ համասեփականատերերը
1) սույն որոշման ընդունման օրվանից 60-օրյա ժամկետում Հայաստանի Հանրապետության Արագածոտնի մարզի Ծաղկահովիտ  համայնքի բյուջե պետք է վճարեն՝ անասնագոմի համար 70,4x804 =56602 դրամ և բնակելի տան համար 149,9x536=80345 դրամ,  ընդամենը 136․947 (մեկ հարյուր երեսունվեց հազար իննը հարյուր քառասունյոթ) Հայաստանի Հանրապետության  դրամ՝ օրինականացման վճարը:
2)իր միջոցների հաշվին պետք է վճարի կառույցի գույքային իրավունքների  պետական գրանցման հետ կապված վճարներն ու տուրքերը:
3․ 60-օրյա ժամկետում օրինականացման համար սահմանված գումարը չվճարելու  դեպքում նշված ինքնակամ կառույցները ենթակա չեն գրանցման, իսկ սույն որոշումը համարվում է ուժը կորցրած:
4․ Կադաստրային կոմիտեում հաշվառված շինության ծածկագիրը 2022P00TTI:  
5․Սույն որոշումն ուժի մեջ է մտնում քաղաքացուն օրենքով սահմանված կարգով իրազեկելու հաջորդող օրվանից: