Ղեկավարվելով «Նորմատիվ իրավական ակտերի մասին» ՀՀ օրենքի 33-րդ հոդվածի, «Բյուջետային համակարգի մասին» ՀՀ օրենքի 33-րդ հոդվածի 4-րդ կետի, Ծաղկահովիտ համայնքի ավագանու 2025 թվականի հունվարի 24-ի N 07-Ն որոշման 8-րդ կետի պահանջներով, որոշում եմ

1/ Ծաղկահովիտ համայնքի 2025 թվականի տարեկան բյուջեի ծախսային մասում կատարել հետևյալ վերաբաշխումները՝

ա/ 01 բաժնի 03 խմբի 03 դասի 55 ծրագրի (Ծաղկահովիտի ընդհանուր բնույթի այլ ծառայություններ) գործառնական դասակարգման 4269 (Հատուկ նպատակային այլ նյութեր) տնտեսագիտական հոդվածի պլանից նվազեցնել 1 000 000 (մեկ միլիոն) ՀՀ դրամ ծախս:

բ/ 06 բաժնի 04 խմբի 01 դասի 60 ծրագրի (Ծաղկահովիտի լուսավորություն) գործառնական դասակարգման 4269 (Հատուկ նպատակային այլ նյութեր) տնտեսագիտական հոդվածի պլանին ավելացնել 1 000 000 (մեկ միլիոն) ՀՀ դրամ ծախս:

2/ Սույն որոշումն ուժի մեջ է մտնում պաշտոնական հրապարակմանը հաջորդող օրվանից: