Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24-րդ կետի, « Նորմատիվ իրավական ակտերի մասին » ՀՀ օրենքի 38․1-րդ հոդվածի , «Ինքնակամ կառուցված շենք-շինությունների և ինքնակամ զբաղեցրած հողամասերի իրավական կարգավիճակի մասին» 2002 թվականի դեկտեմբերի 26-ի Հայաստանի Հանրապետության օրենքի 5-րդ հոդվածի 3-րդ մասի պահանջներով և հիմք ընդունելով քաղաքացի Հակոբ Պատվականի Մանուկյանի գրավոր դիմումը ՀԲՍ Արագածի շրջանային հանձնաժողովի 23․09․1991թ թիվ 21/8 որոշմամբ գնված անասնաշենքը օրինական սեփականություն ճանաչելու և հողհատկացման հիմքերը վերականգնելու մասին , հաշվի առնելով այն հանգամանքը, որ 191,1 քմ մակերեսով գնված անասնաշենքի սպասարկման համար 02-030-0012-0023 ծածկագրից առանձնացված 0.0524 հա հողամասը օգտագործվել է Հակոբ Պատվականի Մանուկյանի կողմից և հողամասը չի դասվում ՀՀ հողային օրենսգրքի 60-րդ հոդվածով սահմանված հողամասերի շարքին, որոշում եմ՝
1. Հիմք ընդունելով, որ 191,24 քմ անասնաշենքը կառուցվել է խորհրդային միության տարիներին , այն 1991 թվականին գնվել և մինչև օրս փաստացի օգտագործվում է Հակոբ Պատվականի Մանուկյանի կողմից , ուստի ճանաչել անասնաշենքի նկատմամբ նրա սեփականության իրավունքը։
2․ Վերականգնել Հակոբ Պատվականի Մանուկյանի կողմից գնված 191,1 քմ մակերեսով անասնաշենքի սպասարկման համար հողհատկացման հիմքերը 02-030-0012-0023 ծածկագրից առանձնացված 0.0524 հա հողամասի նկատմամբ։
3․ Ընդունել ի գիտություն, որ կառույցի պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին և առողջությանը, կառույցը կառուցված չէ քաղաքաշինական նորմերի ու կանոնների էական խախտումներով և չի առաջացնում հարկադիր սերվիտուտ պահանջելու իրավունք։
4․ Հողամասի սահմանները որոշվում են « ՓՈԹՈ» ՍՊԸ - կողմից չափագրված և Ծաղկահովիտ համայնքի ղեկավարի կողմից հաստատված հողամասի հատակագծով։
5․ Կադաստրի կոմիտում հաշվառված հողամասի և շինության ծածկագիրը 2024747KWQ:
6․ Չեղյալ ճանաչել ՀՀ Արագածոտնի մարզի Ծաղկահովիտ համայնքի ղեկավարի 19․04․2024 թվականի N 169-Ա որոշումը։
7․ Սույն որոշումն ուժի մեջ է մտնում պաշտոնական հրապարակմանը հաջորդող օրվանից։