Ղեկավարվելով «Տեղական ինքնակառավարման մասին» ՀՀ օրենքի 15-րդ հոդվածի 1-ից մասի 28-րդ կետով և «Իրավական ակտերի մասին» ՀՀ օրենքի 20-րդ հոդվածի պահանջներով. ԱՎԱԳԱՆԻՆ ՈՐՈՇԵՑ`
1. Հաստատել ՀՀ Արագածոտն մարզի Ծաղկահովիտ համայնքի համայնքապետարանի աշխատակազմի կառուցվածքը, աշխատակիցների թվաքանակը, հաստիքացուցակը պաշտոնային դրույքաչափերը` համաձայն հավելված N1-ի.
2. ՈՒժը կորցրած ճանաչել Ծաղկահովիտ համայնքի ավագանու 2017 թվականի հունվարի 18-ի «Ծաղկահովիտ համայնքի համայնքապետարանի աշխատակազմի կառուցվածքը, աշխատակիցների թվաքանակը և պաշտոնային դրույքաչափերը հաստատելու մասին» N 05-Ն որոշումը` կից հավելվածով:
3. Առաջարկել Ծաղկահովիտ համայնքի ղեկավարին Ծաղկահովիտ համայնքի «Աշխատակազմի համայնքային ծառայության պաշտոններով» անվանացանկում համապատասխան փոփոխություններ կատարելու առաջարկությամբ մեկ շաբաթյա ժամկետում սահմանված կարգով դիմել ՀՀ Կառավարության լիազորված պետական կառավարման մարմին:
4. Սույն որոշման 1-ին և 2-րդ կետերն ուժի մեջ են մտնում ՀՀ Կառավարության լիազորված պետական կառավարման մարմնի կողմից համայնքային ծառայության պաշտոնների անվանացանկում համապատասխան փոփոխություններ կամ լրացումներ կատարելու մասին իրավական ակտի ուժի մեջ մտնելու պահից: |