Ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 42-րդ կետի պահանջներով և հիմք ընդունելով  Երևան քաղաքի բնակիչ Հրայր Զարզանդի Աթանեսյանի  կողմից   համայնքի ղեկավարին ներկայացված  առաջարկությունը, համայնքի ավագանին որոշում է․

1. Քննարկել և տալ համաձայնություն ՀՀ Արագածոտնի մարզի Ծաղկահովիտ համայնքի Ծիլքար բնակավայրում սեփական միջոցներով հանդիսությունների սրահ կառուցելու և այդ նպատակով անհրաժեշտ հողատարածք տրամադրելու վերաբերյալ Երևան քաղաքի բնակիչ՝ Հրայր Զարզանդի Աթանեսյանի առաջարկությունը ։
2․ Հանդիսությունների սրահի կառուցման համար հատկացնել Ծիլքար բնակավայրում գտնվող, համայնքային սեփականություն հանդիսացող, 02-056-0023-0002 կադաստրային ծածկագրով 0,09731 հա բնակավայրերի նպատակային նշանակության, հասարակական կառուցապատման գործառնական նշանակության հողատարածքը ։
3․ Համայնքի ղեկավարին՝ 
- պատվիրել չափագրում և  հանդիսությունների սրահի կառուցման նախագիծ ։
4․ Թույլատրել համայնքի ղեկավարին հանդիսությունների սրահի կառուցման համար կատարել ներդրում մինչև 1․000․000 / մեկ միլիոն / ՀՀ դրամի չափով։
5․ Սույն որոշումն ուժի մեջ է մտնում պաշտոնական հրապարակմանը հաջորդող օրվանից։