Ղեկավարվելով « Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24-րդ կետի, « Նորմատիվ իրավական ակտերի մասին» ՀՀ օրենքի 37-րդ հոդվածի 1-ին մասի , ՀՀ կառավարության 18․05․2006 թվականի «Պետական կամ համայնքային հողամասերում գտնվող ինքնակամ կառույցների նկատմամբ պետության կամ համայնքների սեփականության իրավունքի պետական գրանցման կարգը հաստատելու մասին» N 731-Ն որոշմամբ հաստատված կարգի 2-րդ կետի, ՀՀ կառավարության 18․05․2006 թվականի «Ինքնակամ կառույցների օրինականացման և տնօրինման կարգը հաստատելու մասին» N 912-Ն որոշմամբ հաստատված կարգի 33-րդ կետի պահանջներով և հիմք ընդունելով Վաչիկ Պողոսյանի դիմումը, որոշում եմ՝
1․ ՀՀ Արագածոտնի մարզի Ծաղկահովիտ համայնքի Լեռնապար բնակավայրի 8-րդ փողոց 6 հասցեում գտնվող, համայնքային սեփականություն հանդիսացող 02-049-0021 կադաստրային ծածկագրով 0,1000 հա բնակավայրերի նպատակային նշանակության, բնակելի կառուցապատման գործառնական նշանակության հողատարածքի վրա Վաչիկ Ազատի Պողոսյանի կողմից 2015 թվականին 6,91 քմ արտաքին մակերեսով ինքնակամ կառուցված բնակելի տունը, 2005 թվականին 38,84 քմ արտաքին մակերեսով ինքնակամ կառուցված անասնաշենքը ճանաչել օրինական, որպես համայնքային սեփականություն հանդիսացող գույք, իսկ Վաչիկ Պողոսյանի կողմից՝ 1991 թվականին կառուցված 25.38 քմ մակերեսով բնակելի տունը և 1998 թվականին կառուցված 202.74 քմ մակերեսով անասնաշենքը ճանաչել որպես համայնքային սեփականություն։
2․ Ընդունել ի գիտություն, որ կառույցների պահպանումը չեն խախտում այլ անձանց իրավունքները և օրենքով պահպանվող շահերը, վտանգ չեն սպառնում քաղաքացիների կյանքին և առողջությանը, կառույցները կառուցված չեն քաղաքաշինական նորմերի ու կանոնների էական խախտումներով և չեն առաջացնում հարկադիր սերվիտուտ պահանջելու իրավունք։
3․ Կադաստրի կոմիտեում հաշվառման և չափագրման տվյալների մուտքագրման ծածկագիրն է 2024VYL2EB:
4․ Տվյալ կառույցները իրականացրած անձին տալ օրինականացված կառույցների և համապատասխան հողամասի ուղղակի վաճառքով գնման նախապատվության իրավունք։
5․ Ուժը կորցրած ճանաչել ՀՀ Արագածոտնի մարզի Ծաղկահովիտ համայնքի ղեկավարի 04․06․2025թ N 238-Ա և 04․12․2024 թվականի N 509-Ա որոշումները։
6․ Սույն որոշումն ուժի մեջ է մտնում պաշտոնական հրապարակմանը հաջորդող օրվանից։