Ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 42-րդ կետի,  «Ընդերքի մասին» ՀՀ օրենքի 48-րդ հոդվածի, ՀՀ Կառավարության 12․04․2001 թվականի «Պետական և համայնքային սեփականություն հանդիսացող հողամասերի օտարման, կառուցապատման իրավունքի և օգտագործման տրամադրման կարգը հաստատելու մասին» N 286-Ն որոշման 44-րդ կետի «ժգ» ենթակետի, 63․1-րդ կետի, ՀՀ Կառավարության 21․02․2013 թվականի «Իրավաբանական անձանց և քաղաքացիներին սեփականության իրավունքով պատկանող հողամասերի սահմաններում ընդերքօգտագործման կարգը սահմանելու մասին» N 152-Ն որոշման պահանջներով և հիմք ընդունելով Ծաղկահովիտ համայնքի ղեկավարի առաջարկությունը, համայնքի ավագանին որոշում է՝ 

1․ Ընդունել համայնքի ղեկավարի առաջարկությունը և տալ համաձայնություն՝ Ծաղկահովիտ համայնքում կառուցապատման և բարեկարգման աշխատանքների կատարման համար անհրաժեշտ հողագրունտի (ավազակոպիճ,  գրավիլ) հանույթի աշխատանքներ իրականացնելու համար։
2․ Համայնքի ղեկավարին՝ հողագրունտի հանույթի աշխատանքների իրականացման տեղամասերի հատկացումը և օգտագործման ծավալը կարգավորել համայնքի ղեկավարի որոշումներով՝ համայնքապետարանի աշխատակազմի քաղաքաշինության, հողաշինության, հողօգտագործման և գյուղատնտեսության բաժնի կողմից ներկայացված տեղագրական հատակագծերի, ինչպես նաև կառուցապատման տվյալ օբյեկտի համար անհրաժեշտ և տեղամասից հանվող հանույթի մոտավոր ծավալի հաշվարկի համաձայն։
3․ Հողագրունտի 1 խմ արժեքը սահմանել 500 ՀՀ դրամ ։
4․ Սույն որոշման վերաբերյալ խնդրել ՀՀ Արագածոտնի մարզպետի եզրակացությունը։
5․ Սույն որոշման մասին իրազեկել ՀՀ Բնապահպանության և ընդերքի տեսչական մարմնի Արագածոտնի տարածքային բաժին։
6․ Որոշման կատարման հսկողությունը դնել համայնքի ղեկավարի տեղակալ Ա․Հովհաննիսյանի վրա։
7․ Սույն որոշումն ուժի մեջ է մտնում պաշտոնական հրապարակմանը հաջորդող օրվանից։