Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24-րդ կետի, «Ինքնակամ կառույցների օրինականացման և տնօրինման կարգը հաստատելու մասին» 18․05․2006 թվականի N 912-Ն որոշման 8-րդ և 22․1 -րդ կետերի պահանջներով և հաշվի առնելով, որ կառույցի պահպանումը չի հակասում ՀՀ քաղաքացիական օրենսգրքի 188-րդ հոդվածի 5-րդ կետի սահմանված պայմաններին, կառույցի պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին և առողջությանը, կառույցը կառուցված չէ ինժեներատրանսպորտային օբյեկտների օտարման կամ անվտանգության գոտիներում, կառուցված չէ քաղաքաշինական նորմերի և կանոնների խախտումներով, չի առաջացնում սերվիտուտ և հիմք ընդունելով «Ծաղկահովիտի Առոջության Կենտրոն» ՓԲԸ-ի գրությունը՝ ՀՀ Արագածոտն մարզի Ծաղկահովիտ համայնքի Ծաղկահովիտ բնակավայրի Հոկտեմբերյան փողոց, թիվ 16/2 հասցեում գտնվող, ՓԲԸ-ին սեփականության իրավունքով պատկանող հողամասում ինքնակամ կառուցված ավտոտնակը և օժանդակ շինությունը օրինական ճանաչելու մասին, որոշում եմ՝
1․ ՀՀ Արագածոտնի մարզի Ծաղկահովիտ համայնքի Ծաղկահովիտ բնակավայրի Հոկտեմբերյան փողոց, թիվ 16/2 հասցեում գտնվող, 02-053-0014-0033 կադաստրային ծածկագրով «Ծաղկահովիտի Առողջության Կենտրոն» ՓԲԸ-ին սեփականության իրավունքով պատկանող 0,11197 հա հասարակական կառուցապատման հողամասում 1990 թվականին ինքնակամ կառուցված 50,8 քմ արտաքին մակերեսով ավտոտնակը և 1999 թվականին ինքնակամ կառուցված 6,5 քմ արտաքին մակերեսով օժանդակ շինությունը օրինականացնել և օրինականացման համար համայնքի բյուջեի 900485002654 հաշվեհամարին մուծել ավտոտնակի և օժանդակ շինության օրինականացման համար 6000x0,0743=445,8, 445,8 x 57,3=25․600 /քսանհինգ հազար վեց հարյուր / ՀՀ դրամ ։
2․ Անշարժ գույքի նկատմամբ իրավունքների պետական գրանցման վկայականի համարն է՝ 10112021-02-0052, գաղտնաբառը՝ ANJGWE3BUQ7S։
3․ Ընդունել ի գիտություն, որ որոշման ընդունման օրվանից 60 օրյա ժամկետում օրինականացման համար սահմանված վճարները չվճարելու դեպքում, որոշումը համարվում է ուժը կորցրած։
4․ Սույն որոշումը ուժի մեջ է մտնում պաշտոնական հրապարակմանը հաջորդող օրվանից։