Ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 6-րդ կետի պահանջով և հիմք ընդունելով Ծաղկահովիտ համայնքի «Նորաշեն բնակավայրի Վելիխան Մուքոյանի անվան մանկապարտեզ», «Հնաբերդ բնակավայրի մանկապարտեզ» և «Ծաղկահովիտ բնակավայրի մանկապարտեզ» համայնքային ոչ առևտրային կազմակերպությունների համար  տեսանկարահանող սարքեր ձեռք բերելու և շենքերը տեսանկարահանող սարքերով կահավորելու համար կատարված գնանշման հարցումները և հաշվի առնելով Իմպեքս ՍՊԸ-ի կողմից  ներկայացված ամենացածր գնառաջարկը,  համայնքի ավագանին որոշում է՝ 

1․ Թույլատրել ՀՀ Արագածոտնի մարզի Ծաղկահովիտ համայնքի «Նորաշեն բնակավայրի Վելիխան Մուքոյանի անվան մանկապարտեզ», «Հնաբերդ բնակավայրի մանկապարտեզ» և «Ծաղկահովիտ բնակավայրի մանկապարտեզ» համայնքային ոչ առևտրային կազմակերպությունների զբաղեցրած շենքերը կահավորել տեսանկարահանող սարքերով և այդ նպատակով  ձեռք բերել տեսանկարահանող սարքեր։
2․ Համայնքի բյուջեից հատկացնել ընդհանուր՝ 1․910․060 / մեկ միլիոն իննը հարյուր տաս հազար վաթսուն / ՀՀ դրամ հետևյալ չափերով՝
- «Նորաշեն բնակավայրի Վելիխան Մուքոյանի անվան մանկապարտեզ» ՀՈԱԿ-ի շենքի տեսանկարահանող սարքերով կահավորման համար՝ 624․270 / վեց հարյուր քսանչորս հազար երկու հարյուր յոթանասուն / ՀՀ դրամ,
- «Հնաբերդ բնակավայրի մանկապարտեզ» ՀՈԱԿ-ի շենքի տեսանկարահանող սարքերով կահավորման համար՝ 585․520 / հինգ հարյուր ութսունհինգ հազար հինգ հարյուր քսան / ՀՀ դրամ,
- «Ծաղկահովիտ բնակավայրի մանկապարտեզ» ՀՈԱԿ-ի շենքի տեսանկարահանող սարքերով կահավորման համար՝ 700․270 / յոթ հարյուր հազար երկու հարյուր յոթանասուն / ՀՀ դրամ։
3․ Սույն որոշումն ուժի մեջ է մտնում պաշտոնական հրապարակմանը հաջորդող օրվանից։