ԶԼՄ-ները մեր մասին

18/11/2022

Ծաղկահովտի համայնքապետ Նորաին Հակոբյանը երդմնակալությամբ ստանձնել է պաշտոնը

Արագածոտնի մարզի Ծաղկահովիտի համայնքապետարանում տեղի է ունեցել սեպտեմբերի 25-ին կայացած ՏԻՄ ընտրությունների արդյունքում համայնքի ղեկավար ընտրված Նորաին Հակոբյանի երդմնակալության արարողությունը։

Այս մասին տեղեկացնում է մարզպետարանը։

Արարողությանը մասնակցել են Արագածոտնի մարզպետ Սերգեյ Մովսիսյանը, մարզպետարանի ղեկավար կազմի ներկայացուցիչները։

Սերգեյ Մովսիսյանը շնորհավորական խոսքում Նորաին Հակոբյանին և նորընտիր ավագանուն մաղթել է արդյունավետ աշխատանք ու հույս հայտնել, որ իրենց վստահված գործում թիմը կարողանալու է մարզպետարանի հետ համագործակցությամբ համայնքի զարգացմանն ուղղված մեծ ծրագրեր կյանքի կոչել։

Մարզպետը նաև իր երախտագիտությունն է հայտնել Ծաղկահովիտ համայնքի բնակիչներին՝ «Քաղաքացիական պայմանագիր» կուսակցությանը վստահության քվե տալու համար և նշել, որ նախընտրական ծրագրում ներկայացված բոլոր խոստումներն առաջիկայում մեծ թիմով իրականացվելու են։

Mitk Info <infomitk@gmail.com>

https://mitk.am/2022/11/18/%d5%ae%d5%a1%d5%b2%d5%af%d5%a1%d5%b0%d5%b8%d5%be%d5%bf%d5%ab-%d5%b0%d5%a1%d5%b4%d5%a1%d5%b5%d5%b6%d6%84%d5%a1%d5%ba%d5%a5%d5%bf-%d5%b6%d5%b8%d6%80%d5%a1%d5%ab%d5%b6-%d5%b0%d5%a1%d5%af%d5%b8%d5%a2/