Ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 1-ի մասի 6-րդ կետի պահանջներով և հիմք ընդունելով ՀՀ Երևան քաղաքի առաջին ատյանի ընդհանուր իրավասության քաղաքացիական դատարանի կողմից 26․11․2024 թվականին ԵԴ2/1052/02/24 քաղաքացիական գործով կայացված վճիռը և 04․07․2025 թվականին ՀՀ վերաքննիչ քաղաքացիական դատարանի կողմից ԵԴ2/1052/02/24 քաղաքացիական գործով կայացված որոշումը, համայնքի ավագանին որոշում է ՝

1․ Հայաստանի Հանրապետության Երևան քաղաքի առաջին ատյանի ընդհանուր իրավասության քաղաքացիական դատարանի 26․11․2024 թվականի վճռի և ՀՀ վերաքննիչ քաղաքացիական դատարանի 04․07․2025 թվականի որոշման պահանջների կատարման նպատակով ՀՀ Արագածոտնի մարզի Ծաղկահովիտ համայնքի «Կոմունալ ծառայություն» ՀՈԱԿ-ին համայնքի բյուջեից  հատկացնել  ընդհանուր 4․086․585 / չորս միլիոն ութսունվեց հազար հինգ հարյուր ութսունհինգ / ՀՀ դրամ, որից 3․808․500 /երեք միլիոն ութ հարյուր ութ հազար հինգ հարյուր / ՀՀ դրամը 20 հատ 1100 լիտր և 25 հատ 660 լիտր տարողությամբ աղբամանների ձեռք բերման համար, 180․000 / մեկ հարյուր ութսուն հազար / ՀՀ դրամը, որպես փաստաբանի խելամիտ վարձատրության գումար, իսկ 98․085 / իննսունութ հազար ութսունհինգ / ՀՀ դրամը, որպես վճարված պետական տուրքի գումար։

2․ Սույն որոշումն ուժի մեջ է մտնում պաշտոնական հրապարակմանը հաջորդող օրվանից։