Ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 42-րդ կետի, «Նորմատիվ իրավական ակտերի մասին» ՀՀ օրենքի 33-րդ, 34-րդ հոդվածների, ՀՀ Կառավարության 15․07․2021 թվականի թիվ N 1169-Ն որոշման պահանջներով և հիմք ընդունելով համայնքի ղեկավարի առաջարկությունը, Ծաղկահովիտ համայնքի ավագանին որոշում է՝ 

1․ ՀՀ Արագածոտնի մարզի Ծաղկահովիտ համայնքի ավագանու  2024 թվականի  հունվարի 26-ի  N 06-Ն որոշմամբ հաստատված հավելված 1․3-ում կատարել հետևյալ փոփոխությունները և լրացումները՝ 
- հավելվածի արտոնություններ բաժինը լրացնել նոր 5-րդ տողով «Կրթության և զարգացման առանձնահատուկ պայմանների կարիք ունեցող երեխաներ», դրույքաչափը՝ «անվճար»
- հավելվածի արտոնություններ բաժինը լրացնել նոր 6-րդ տողով « զինծառայող ծնողի, ռազմական գործողություններին մասնակցած ծնողի երեխաները, Հայաստանի Հանրապետության պաշտպանության մարտական գործողություններին մասնակցելու կամ հակառակորդի հետ շփման գծում մարտական հերթապահության կամ հատուկ առաջադրանք կամ ծառայողական պարտականություններ կատարելու ընթացքում կամ հակառակորդի նախահարձակ գործողության հետևանքով զոհված (մահացած) կամ Հայաստանի Հանրապետության պաշտպանության մարտական գործողություններին մասնակցելու կամ հակառակորդի հետ շփման գծում մարտական հերթապահության կամ հատուկ առաջադրանք կամ ծառայողական պարտականություններ կատարելու ժամանակ անհայտ կորելու հետևանքով դատական կարգով անհայտ բացակայող կամ մահացած ճանաչված զինծառայողի երեխաները», դրույքաչափը՝  « անվճար »
-  հավելվածի արտոնություններ բաժինը լրացնել նոր 7-րդ տողով « 2024 թվականի սեպտեմբերի 1-ից՝ ընտանիքի սոցիալական գնահատման համակարգում հաշվառված սոցիալապես անապահով ճանաչված ընտանիքների երեխաները» , դրույքաչափը՝ «անվճար»
2․ Սույն որոշումն ուժի մեջ է մտնում պաշտոնական հրապարակմանը հաջորդող օրվանից։