Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին 24-րդ կետի, ՀՀ Հողային օրենսգրքի 64-րդ հոդվածի 8-րդ և 16-րդ կետերի, « Նորմատիվ իրավական ակտերի մասին» ՀՀ օրենքի 37-րդ հոդվածի 1-ին մասի պահանջներով և հիմք ընդունելով ՀՀ Արագածոտնի մարզի ընդհանուր իրավասության առաջին ատյանի դատարանի ԱՐԱԴ 4723/02/23 քաղաքացիական գործով 03․05․2024 թվականին օրինական ուժի մեջ մտած վճռով ՀՀ Արագածոտնի մարզի Ծաղկահովիտ համայնքի Ծաղկահովիտ բնակավայրի վարչական տարածքում գտնվող, 02-053-0015 ծածկագրով, 0,10250 հա հողատարածքում առկա 591,87 քմ մակերեսով շինության նկատմամբ իր սեփականության իրավունքը ճանաչելու մասին Վարդան Մկրտիչի Մկրտչյանի դիմումը, ինչպես նաև հաշվի առնելով այն հանգամանքը, որ 591,87 քմ շինության պահպանման և սպասարկման համար նախատեսված 0,10250 հա հողամասը չի դասվում ՀՀ Հողային օրենսգրքի 60-րդ հոդվածով սահմանված հողամասերի շարքին, որոշում եմ՝
1. Ձեռք բերման վաղեմության ուժով ճանաչել քաղաքացի Վարդան Մկրտիչի Մկրտչյանի սեփականության իրավունքը ՀՀ Արագածոտնի մարզի Ծաղկահովիտ համայնքի Ծաղկահովիտ բնակավայրում 02-053-0015 կադաստրային ծածկագրով 0,10250 հա արդյունաբերության, ընդերքօգտագործման և այլ արտադրական նշանակության օբյեկտների նպատակային նշանակության, գյուղատնտեսական արտադրական օբյեկտների գործառնական նշանակության հողատարածքի վրա կառուցված 591,87 քմ շինության նկատմամբ:
2. Նշված շինության տակ գտնվող և սպասարկման համար առանձնացված համայնքային սեփականություն հանդիսացող 0,10250 հա արդյունաբերության, ընդերքօգտագործման և այլ արտադրական օբյեկտների նպատակային նշանակության, գյուղատնտեսական արտադրական օբյեկտների գործառնական նշանակության հողամասի սեփականության իրավունքը շենքի սեփականատեր՝ Վարդան Մկրտչյանին փոխանցվում է պայմանով, որ գույքի հետագա օտարման գործարքներից ծագող իրավունքի պետական գրանցումը կկատարվի տվյալ պահին գործող հողամասի կադաստրային արժեքի վճարման անդորրագիրը ներկայացնելու դեպքում :
3․ Ուժը կորցրած ճանաչել ՀՀ Արագածոտնի մարզի Ծաղկահովիտ համայնքի ղեկավարի 27․05․2024 թվականի N 216-Ա որոշումը։
4․ Սույն որոշումը ենթակա է պետական գրանցման ՀՀ կադաստրի կոմիտեի լիազորված մարմնում:
5.Սույն որոշումը ուժի մեջ է մտնում պաշտոնական հրապարակմանը հաջորդող օրվանից։