ՀՀ Արագածոտնի մարզի Ծաղկահովիտի համայնքապետարանը հայտարարում է մրցույթ` «Կոմունալ ծառայություն» ՀՈԱԿ-ի տնօրենի հետևյալ թափուր պաշտոնի համար 

1․ ԾԱՂԿԱՀՈՎԻՏ ՀԱՄԱՅՆՔԻ «ԿՈՄՈՒՆԱԼ ԾԱՌԱՅՈՒԹՅՈՒՆ» ՀՈԱԿ-Ի ՏՆՕՐԵՆԸ 

Իրականացնում է պաշտոնի անձնագրով սահմանված լիազորություններ՝ 

1)         Իրականացնում է ՀՈԱԿ-ի ընթացիկ գործունեության ղեկավարումը,

2)        Պատասխանատու է կադրերի ընտրության , Հայաստանի Հանրապետության աշխատանքային օրենսգրքի պահանջների պահպանման, ինչպես նաև օրենքով և կազմակերպության կանոնադրության սահմանված այլ պարտավորությունների ապահովման համար ,

3)        Ներկայացնում է ֆինանսատնտեսական հաշվետվությունը, հաջորդ տարվա բյուջետային ֆինանսավորման հայտը,

4)        Կազմում է ՀՈԱԿ-ի հաստիքացուցակը ու ծախսերի նախահաշիվը և ներկայացնում է համապատասխան լիազորված մարմնի հաստատմանը ,

5)        Իրականացնում է օրենքով և կանոնադրությամբ իրեն վերապահված այլ լիազորություններ , 

Նշված պաշտոնն զբաղեցնելու համար պահանջվում է`

 ա) բարձրագույն կրթություն,

բ) հանրային ծառայության առնվազն հինգ  տարվա ստաժ կամ հինգ տարվա մասնագիտական աշխատանքային ստաժ կամ համապատասխան բնագավառի երեք տարվա աշխատանքային ստաժ ,

գ) իր պարտականություների կատարման համար անհրաժեշտ իրավական ակտերի իմացություն (  ՀՀ Սահմանադրության, համապատասխան ոլորտի ՀՀ օրենսդրություն և այլ իրավական ակտեր  ) ,

 Լրացուցիչ պայմաններն են՝

1) տրամաբանելու և տարբեր իրավիճակներում կողմնորոշվելու ունակություն.

2) ֆինանսատնտեսական գործունեության իրականացման կարողություն.

3) համակարգչով և ժամանակակից այլ տեխնիկական միջոցներով աշխատելու ունակություն.

4) աշխատանքի կազմակերպման և ղեկավարման անհրաժեշտ հմտություններ.

5) ենթակաների հետ վարվելու անհրաժեշտ էթիկայի կանոնների իմացություն.

6) առնվազն մեկ օտար լեզվի իմացություն: 

 Մրցույթին մասնակցելու իրավունք չունի այն անձը, ով` 

1) դատական կարգով ճանաչվել է անգործունակ կամ սահմանափակ գործունակ.

2) տառապում է Հայաստանի Հանրապետության կառավարության 2019 թվականի փետրվարի 15-ի թիվ 98-Ն որոշմամբ հաստատված ցանկում ընդգրկված հիվանդություններից որևէ մեկով.

3) օրենքի խախտմամբ չի անցել ժամկետային պարտադիր զինվորական ծառայություն.

4) դատապարտվել է հանցագործության կատարման համար, և նրա դատվածությունը սահմանված կարգով հանված կամ մարված չէ.

5) զրկվել է որոշակի գործունեությամբ զբաղվելու իրավունքից, կամ որին օրենքի համաձայն արգելվել է որոշակի պաշտոններ զբաղեցնել.

6) ներկայացրել է փաստաթղթեր, որոնք չեն համապատասխանում սույն կարգի 12-րդ կետով սահմանված պահանջներին, լրիվ չեն կամ թերի են.

7) 65 տարին լրացած քաղաքացիները: 

Դիմող ՀՀ քաղաքացիները մրցույթին մասնակցելու համար պետք է համայնքապետարան  ներկայացնեն հետևյալ փաստաթղթերը.

1. գրավոր դիմում` (տրվում է հանձնաժողովի անունով ):

2. Անձնագրի պատճենը:

3. Կրթությունը հավաստող պետական նմուշի փաստաթղթի (փաստաթղթերի) պատճենը (պատճեները):

4.Արական սեռի անձինք ներկայացնում են զինգրքույկի կամ կցագրման վկայականի պատճենը:

5.Քաղվածք աշխատանքային գրքույկից կամ տեղեկանք աշխատանքային գործունեության մասին:

6. մեկ լուսանկար` 3x4 չափսի:

7․ Ինքնակենսագրություն

8․Տեղեկանք մշտական բնակության վայրից։ 

Մրցույթը կկայանա 2023 թվականի հունիսի 29-ին, ժամը 11:00-ին, Ծաղկահովիտի համայնքապետարանում:

Դիմումների ընդունման վերջին ժամկետը 2023 թվականի հունիսի 19-նէ:

Այլ տեղեկությունների համար դիմել համայնքապետարան (հեռ.` 077-40-73-68) կամ Արագածոտնի մարզպետարանի  ՏԻ և ՀԳՄՀ վարչություն (հեռ.` 0232 3-63-78): 

ԾԱՂԿԱՀՈՎԻՏԻ ՀԱՄԱՅՆՔԱՊԵՏԱՐԱՆ