| Նպատակ | 1. Համայնքի ղեկավարի ողջույնի խոսք
Հայաստանի Հանրապետության Արագածոտն մարզի Ծաղկահովիտ համայնքի 2023-2027թթ. Հնգամյա զարգացման ծրագրի (այսուհետ` Ծրագիր) ընդունման նպատակն է սահմանել համայնքի տեսլականը 2027 թվականին, այդ տեսլականին հասնելու ռազմավարությունը և հիմնական նպատակները: Համայնքի հնգամյա զարգացման ծրագիրը մշակելիս հաշվի են առնվել համայնքի առկա ռեսուրսները (ակտիվները), տեղական առանձնահատկությունները, երկրի տնտեսական և քաղաքական առկա իրավիճակը, ինչպես նաև առաջիկա զարգացումների կանխատեսումները: Զարգացման ռազմավարության և գերակայություններ սահմանման ժամանակ ցուցաբերվել է ինտեգրացված մոտեցում (տնտեսական, սոցիալական, շրջակա միջավայրի և այլ գործոններ): Հնգամյա զարգացման ծրագիրը կազմված է չորս բաժիններից՝
1. Համայնքի իրավիճակի նկարագրում.
2. Նպատակների Սահմանում և գործողությունների պլանավորում.
3. Համայնքի զարգացման հնգամյա ծրագիր Ֆինանսավորում.
4. Համայնքի հնգամյա զարգացման ծրագրի մոնիթորինգ:
Ծրագրի նախագծի հիմք է հանդիսացել համայնքի ղեկավարի ծրագիրը կապված համայնքի բնակիչների կենսական պայմանների բարելավման, ինչպեսնաևպետական, մարզային, տարածաշրջանային ռազմավարական նշանակության այլ ծրագրեր: Ծրագրի մշակմանը մասնակցել են համայնքապետարանի աշխատակազմը և գյուղերի վարչական ղեկավարները:Քննարկվել և հաշվի են առնվել հանրային լսումների արդյունքում ընդունելի համարված բոլոր առաջարկությունները:
2. Համայնքի իրավիճակի նկարագրություն
2.1 Համայնքի ընդհանուր նկարագրություն
Ծաղկահողիտ համայնքը ձևավորվել է 2017թ. նոյեմբերի 5-ին:Համայնքի կազմում ընդգրկված են 10 բնակավայրեր` Ծաղկահովիտ, Վարդաբլուր, Գեղարոտ, Ծիլքար, Լեռնապար, Նորաշեն, Գեղադիր, Հնաբերդ, Գեղաձոր, Բերքառատ: Համայնքն ունի եկեղեցիներ, որոնք կառուցվել են 1864-1868թթ-ին, պատմամշակութային հուշարձաններ, մ.թ.ա. 2-րդ-1-ին հազարամյակների:
Համայնքը գտնվում է Արագած լեռան հս. և Փամբակի լեռների հվ. լանջերին, ծովի մակերևույթից 2080-2150 մ բարձրության վրա: Հյուսիսից սահմանակից է Լոռու մարզի, արևելքից Ալագյազ համայնքի, իսկ արևմուտքից Շիրակի մարզի հետ: Համայնքի կլիման ձմռանը ցրտաշունչ է, ամռանը` զով: Համայնքում հաճախակի են երաշտ տարիները, որից հիմնականում տուժում են գյուղացիական տնտեսությունները, երբեմն ունենալով ահռելի վնասներ /ռիսկային է/ :
Համայնքի վարչական տարածքը կազմում է 228,9 կմ2, հեռավորությունը մայրաքաղաքից՝ 70 կմ, մարզկենտրոնից` 51 կմ:
Համայնքի բնակչության թվաքանակը կազմում է 10516 մարդ, որից` ըստ տարիքի` 0-6 տարեկան 645 մարդ, 7-17 տարեկան – 1476 մարդ, 18-62 տարեկան – 7756 մարդ, 63 և ավելի տարեկան 684 մարդ: Ըստ սեռի` 5116 իգական, 5445 արական: կենսաթոշակառուների թիվը – 807, Այդ թվում՝ հաշմանդամներ - 162 մարդ: Միակողմանի ծնողազուրկ երեխաներ – 64 մարդ: Աշխատունակներ – 8056 մարդ զբաղվածներ – 2897 մարդ, գործազուրկներ – 1136 մարդ, տնային տնտեսությունների թիվը – 2639, ընտանիքների թիվը - 2821 ընտանեկան նպաստի համակարգում հաշվառված ընտանիքների թիվը – 165, այդ թվում նպաստառու ընտանիքների թիվը – 151:
բնակելի տարածքներում բնակչության միջին խտությունը 1 կմ2 վրա կազմում է 46 մարդ: Բնակելի տների քանակը կազմում է 2279, այդ թվում բազմաբնակարան շենքերի քանակը 7 /252 բն./: Առավել խիտ բնակեցված բնակավայրերն են`Հնաբերդը, Ծաղկահովիտը, Նորաշենը և Գեղադիրը,: ՀՀ պետական սահմանին ամենամոտ հեռավորության վրա գտնվում են` Նորաշեն 40 կմ, Գեղադիր 45կմ բնակավայրերը: Բնակավայրերի միջին հեռավորությունը համայնքապետարանից 16 կմ է:
2.2 Համայնքի սոցիալ տնտեսական իրավիճակը
Համայնքի 2023թ. փաստացի մուտքերի ուղղությունների տեսակարար կշիռներն ընդհանուր մուտքերի մեջ սեփական մուտքերը (հարկեր և տուրքեր, այլ եկամուտներ) կազմում են ընդամենը 26 %, իսկ պաշտոնական դրամաշնորհների (պետական բյուջեից ֆինանսական համահարթեցման սկզբունքով տրամադրվող դոտացիաներ, պետական բյուջեից տրամադրվող նպատակային հատկացումներ (սուբվենցիաներ)) տեսակարար կշիռն ընդհանուր մուտքերի մեջ կազմում է 64 %: Սա նշանակում է, որ համայնքի բյուջեի մուտքերի մեծամասնությունը ստացվում է ՀՀ պետական բյուջեից ֆինանսական համահարթեցման սկզբունքով տրամադրվող դոտացիաների ուղղությամբ, այսինքն համայնքի ֆինանսական անկախության (ինքնուրույնության) աստիճանն ցածր է և համայնքը մեծ կախվածության մեջ է գտնվում ՀՀ պետական բյուջեից:
Համայնքում չկա գյուղատնտեսական նշանակության հողերի ոռոգման համակարգ, այդ պատճառով համայնքի բնակչությունը հողագործությունից մեծ եկամուտներ չի կարողանում ստանալ: Համայնքում ավելի զարգացած է անասնապահության ճյուղը:
2023 թ. հունվարի 1-ի դրությամբ, համայնքի խոշոր եղջերավոր անասունների քանակը կազմել է 7850 , այդ թվում կով` 5255, իսկ մանր եղջերավոր անասունների քանակը` 6400, այդ թվում ոչխար՝ 5200, այծ` 104: Համայնքի գրեթե յուրաքանչյուր տնային տնտեսություն պահում է նաև որոշ քանակության թռչուններ 1050 թև, առավելապես՝ հավեր՝ հիմնականում սեփական կարիքների բավարարման համար:
Համայնքում անասնապահությամբ, թռչնապահությամբ արտադրում են կաթ, միս, բուրդ, ձու: Համայնքի բնակիչներն ունեն լուրջ խնդիրներ ու դժվարություններ արտադրված գյուղատնտեսական մթերքների իրացման հարցում:
Համայնքում գործում է 1 մասնագիտական ուսումնարան և 10 միջնակարգ դպրոց, նախատեսված մինչև 2500 աշակերտի համար, ներկայումս սովորում են 1545 աշակերտ: Դպրոցներում աշխատում են 265 մարդ, որոնցից 212-ը մանկավարժներ են:Համայնքում կա 4 մանկապարտեզ, Նորաշեն,Հնաբերդ, Գեղաձոր և Ծաղկահովիտ բնակավայրերում: 2024թ. Նախատեսվում է գործարկել ևս մեկը: Առաջադիմություն ունեցող աշակերտները, տարեկան միջին հաշվով 50-60-ը, ուսումը շարունակում են Վանաձորի և Երևանի տարբեր բարձրագույն ուսումնական հաստատություններում:
|