2025 թվականի մարտի 6-ին, ժամը 11։00-ին ՀՀ Արագածոտնի մարզի Ծաղկահովիտի համայնքապետարանում համայնքի ղեկավար՝ Նորաին Հակոբյանի կողմից անցկացվեց աշխատանքային խորհրդակցություն, որին մասնակցում էին ՀՀ Արագածոտնի մարզպետարանի տարածքային կառավարման և տեղական ինքնակառավարման հարցերի վարչության պետ՝ Հովհաննես Ասատրյանը, Ծաղկահովիտ համայնքի բոլոր բնակավայրերի վարչական ղեկավարները և աշխատակազմի ֆինանսատնտեսագիտական, եկամուտների հաշվառման և հավաքագրման բաժնի առաջին կարգի մասնագետները։ Աշխատակազմի ֆինանսատնտեսագիտական, եկամուտների հաշվառման և հավաքագրման բաժնի պետ՝ Էդգար Մնոյանը ներկայացրեց յուրաքանչյուր բնակավայրի սեփական եկամուտների հավաքագրման ցուցանիշները՝ 2025 թվականի մարտի 1-ի դրությամբ ։ Խորհրդակցության ընթացքում առանձին-առանձին քննարկվեց բնակավայրերում սեփական եկամուտների հավաքագրման գործընթացում առաջացող խնդիրները և խոչընդոտները , առաջարկվեց դրանց լուծման տարբերակները, քննարկվեց նաև հարկային պարտավորությունները չկատարող անձանց նկատմամբ վարչական վարույթներ նախաձեռնելու հարցը։ Բնակավայրերի վարչական ղեկավարներին տրվեց հանձնարարականներ սեփական եկամուտների հավաքագրման գործընթացը պատշաճ կազմակերպելու, մինչև առաջին եռամսյակի ավարտը ցուցանիշները բարելավելու, ինչպես նաև աղբահանության համար սահմանված գումարները ժամանակին գանձելու համար ։ Խորհրդակցության ընթացքում քննարկվեցին նաև բնակավայրերին վերաբերվող այլ ընթացիկ հարցեր։